小型婚宴受熱捧隨時有賺

新婚生活易噚日公布「小型結婚派對調查」結果，佢哋喺今年4月19日至5月7日期間，以網上問卷訪問了877名未婚受訪者，結果發現七成人表示會考慮舉行小型結婚派對。

報告指，面對婚宴場地變得更多元化的誘因，所以不難理解準新人為何會摒棄大排筵席的觀念，加上80後以至90後開始成為婚宴市場的生力軍，一些圍數少、風格更精緻的個人訂製婚宴，便受這類消費群青睞。

擺小型婚宴的消費比傳統宴席低，新人可以慳錢之餘，Ray最估唔到嘅係可以令一對新人有錢賺，皆因人情沒有明顯下降，調查指出，逾七成受訪者表示會做人情。佢哋就舉咗個例，喺意式西餐廳舉行一場小型結婚午宴，並邀請80人出席，每位約385元，婚宴開支約30,800元，人情扣除場地成本後，一般來說，蝕本的機會不大，甚至有可能出現盈餘㖭。