星薈開幕波叔俾面撐場

以後新人擺酒又多個選擇！鴻星集團旗下的「星薈」昨於尖沙咀天文台道隆重開幕，主打高級粵菜，不少城中名廚皆有到場祝賀。餐廳坐擁270度維港海景，夜晚景色一流！睇煙花睇幻彩詠香江簡直係零死角，因此佢哋力推宴會聚餐同婚宴。由婚禮攝影、證婚、流程同餐飲都一一照顧到，一條龍服務。

Ray去出席開幕酒會，創業股東之一的「舖王」鄧成波(右4)亦特地抽空出席。由於波叔近年養尊處優，甚少出席公開場合，所以今次親身到賀可謂俾足面！集團近年積極發展內地市場，除咗上海兩間食府之外，近日更開拓佛山順德市場，拓大其飲食版圖。