春嬌與志明劇照 (照片由作者提供)
如果你以前有去過大陸，會發現通街都係茶煙酒商店，同埋有個「押」字嘅典當鋪。密集嘅程度係隔幾間舖就有一間茶煙酒商店，再過幾間就係典當鋪。大家都有個疑問，就係究竟點解這些商店咁好生意，開到成行成市呢？背後其實有個淵源的。
其實好多茶煙酒商店背後嘅老板就係當地嘅一些官員，由於中國人好注重禮節，所以工作上佢哋接見嘅人都一定會拎住一抽二抽嘢上去拜見官大爺。咁官大爺收埋收埋鬼咁多茶煙酒，自隊梗係隊唔晒，就會開番間茶煙酒商店來放售變賣出去。開店除咗可以將啲禮物變做現金之外，另外仲有個好特別的功能。有啲官員會向經常有求於自己的人士暗示自己有個茶煙酒商店，請他們多多支持，開番個 membership account。言下之意，就係以後喺度買禮物俾我得喇。有乜好？你喺我間鋪度買禮物送俾我，我擺番去自己間鋪度繼續賣。明未？所以好多時去這些茶煙酒商店度買嘢，總係覺得啲商品有啲殘舊。
至於典當鋪？這個可能大家都清楚了。其實由於以前的大陸真係治安俾較差，小偷、搶劫的情況俾較常見。而嚟啲賊贓最快能夠變現金的地方就係攞去押，一押無回頭。而典當鋪的老板閱歷豐富，基本上一睇就知道邊啲係賊仔邊啲係應急，開價自然都唔同。
但係自從習近平上台以後，雷厲風行，大力打貪，嚴格唔准官員收禮物、嚴格根據社會嘅治安情況嚟考核公安人員。從此，好多以前明目張膽向官員送大抽大抽禮物的情況已經非常罕見，社會的治安亦無以前咁猖狂。上述的茶煙酒商店以及典當鋪到今天亦因時世而減少咗好多。我有一位uncle看準咗這個機會，大量咁用低價轉手入咗好多間茶煙酒商店，短時間裏面形成咗一個大規模嘅連鎖店。而當年嚟位uncle就將個連鎖店王國交咗俾個廿幾歲的親生女Grace去主持，當作鍛鍊。
Grace 非常努力，成個連鎖店俾佢搞得有聲有色。佢長相氣質亦非常有水準，外國讀書畢業番嚟老豆叫佢番大陸幫手，一句都無推搪就走咗上去，無乜機會番香港休息。連佢老豆都話，覺得自己好似欠咗個女。
有一次，有個肥頭大耳嘅村長帶住班麻甩佬衝咗入Uncle其中一間門店裏面，爆咗幾個樽，然後對住個店員男仔破口大罵，話要將佢「打到變狗熊」。擾攘咗一段時間，村長話：「要我不揍死你可以，叫你老板出來跟我談！」
為咗員工的性命攸關，Grace馬上趕咗過去。一入門口，見到個身形好似鄭則仕咁嘅光頭大肥佬坐咗喺店鋪的正中間，身邊有幾個麻甩佬，有啲踎低，有啲挨住個牆。似乎個光頭鄭則仕就係話事人，Grace就走過去了解究竟。原來係佢個鋪的男仔店員溝咗條女，而個村長個仔又咁啱溝梗。村長覺得條𡃁仔好唔俾面，所以要「打到佢變狗熊」。
Grace 一坐低，光頭鄭則仕就攞咗個巨型 Bordeaux 酒杯，成支紅酒倒咗落去（個巨型酒杯係裝得落一整支紅酒的），一嘢飲晒。跟住再開多支紅酒倒落去，然後同 Grace 講：「喝了它，這事情我也不追究了」
Grace 眼都凸埋，心諗「Crazy shit man !?」
瞬間，以前縱橫蘭桂坊時練埋練埋嗰啲功力，立即學以致用、融會貫通。去飲酒，不外乎你大吓我，我大吓你。
擾攘咗一陣，等村長杯酒開始上腦之後，Grace 用普通話講：「村長，我做一件事，你不單不會要我喝完它。你還會自己把這一整杯喝完。」
村長見Grace 咁把炮，就睇吓佢搞乜。Grace就一嘢攬住村長個光頭，從個額頭一直舔到頭殼頂。村長愕然冇嗲之後，全場讚嘆拍手，村長回過氣後都不禁拍案叫好。然後村長就一口氣將第二杯酒倒咗落肚。從此，光頭村長同 Grace 就做咗好朋友。
其實，成件事就係佢要妳陪佢一齊做啲 Crazy Shit，然後不打不相識下同妳呢個老板建立友誼。而佢開個條件就係一齊各自 Down 一支紅酒。但係其實妳係可以 Counter Offer 做番一啲相等程度的 Crazy Shit的。只要 match 到，問題就化解了。
跟同路縱橫兩地的友人分享瘋狂故事嘅時候，大家一齊回望經歷過的血與淚，都總會覺得不枉此生，算是活得精彩。每當我哋遇到困難嘅時候，都會諗起這句話：
「沒有礁石的阻擋 ，哪能激起美麗的浪花。」
ADVERTISEMENT
送大埔超級城《金馬喜迎春》禮盒
