老實講，自從轉咗呢份工已經好少再入廚。就連以前得閒焗下蛋糕曲奇呢啲少女心都已經消失得一乾二淨。喂！放假瞓晏啲好過啦！
奇華最近喺灣仔皇后大道東嘅旗艦店二樓，開設奇華工作坊，由經驗豐富嘅老師傅教授，失敗率幾乎是零！
咪睇小一件只賣幾蚊嘅唐餅，製作過程其實比我哋想像中繁複得多。上星期跟Johnny師傅整老婆餅，估唔到整整下都玩足兩個半鐘，非常充實！由搓水皮到餡料，全部一手一腳整出嚟，出爐嗰下其實都幾感動！好有成功感！邊學邊整，全程有師傅指導，你話有咩可能失敗先？(除非你資質真係差到貼地)
佢哋仲開咗個冬季臘腸卷課程，至到12月中，報名快手！
課程收費每位$300起 地址：香港灣仔皇后大道東188號2樓 電話：2343 8106
ADVERTISEMENT
立即更新/下載AM730手機APP 體驗升級功能
