香港這兩星期內發生連串大事，重要日子身在外國，只能靠個mon感受聲音和氣味，心痛得很無力。前一個星期飛長途去加拿大，平時會搶著去長途的我第一次渴望返香港。但身在溫哥華，即使突然知道屋企發生乜事，都無辦法即刻趕返去，見到朋友同家人努力的時候，自己卻遠在十萬八千里隔岸觀火，感覺很難受。
去當地搵到一間香港人開的餐廳，即刻問老闆有無睇新聞，阿叔話：「我咁辛苦帶個仔移民就係驚呢種事會發生。」大家靜咗一陣，阿叔繼續講：「不過前幾日我有帶埋個仔去大使館抗議！」最後阿叔給了我一個fortune cookie我，寫甚麼我已唔記得，但無論身處邊度，有種同聲同氣的支持係會感動到毛管戙。
二百萬+1人換來一篇敷衍的新聞稿，是否就可以令港人妥協？雖然不知這篇稿出的時候又會發生甚麼事，但「大家唔好再呃自己出面一切正常」，無論站甚麼觀點，是次修例都關自己事。做邊行都可有自己的方法表達訴求，唔好道德綁架自己，應該點做，個心會答你。
場仗未打完。
ADVERTISEMENT
送大埔超級城《金馬喜迎春》禮盒
