近排天氣似番啲冬天，大家都開始添衣，賣衫嘅應該開心番啲啦。好似運動品牌adidas，最近喺中環個新舖外的圍板大廣告，句slogan應晒景，「Forget Cold」，符合各行各業的期望，忘記市道寒冬，嚟番個小陽春都好吖！
話時話adidas喺中環間新舖，咪係美國品牌COACH之前旗艦店個位囉！即係皇后大道中興瑋大廈地下及1至3樓，今年8月傳出COACH提早退租，估唔咁快搵到新租客。
唔知係咪依家啲商舖租金回落，連核心街舖的租值都受牽連，令adidas都夠膽喺香港擴張。集團除了喺中環開設全球第6間超級品牌中心adidas Brand Centre外，仲會喺銅鑼灣恒隆中心租兩層，開設港島區首間Sport Performance旗艦店，都係明年第二季開業。真係雄心壯志！
咁大投資，梗係反映佢地對香港嘅地位同發展前景充滿信心啦。不過，決定是否重鎚投資，點都要睇往績，集團就話過去數年於香港及華南地區發展勢頭強勁，所以希望藉此將香港黃金購物地段打造成為運動新地標，突顯香港活力之都形象。
投身傳媒工作多年，由市場研究做起，一直與公關、廣告、新聞界結下不解緣，心境永遠青春。
