BabyJohn（蔡瀚億）最近為珍寶冷氣機拍攝新一輯廣告，今次同另一位主角──超萌鬆獅狗阿寶一齊以一身襯到絕嘅造型拍攝，身體力行咁話大家聽「匹配」嘅重要性，廣告仲未出街，不過，珍寶冷氣率先同am730搞咗個「珍寶冷氣至匹配時裝設計大賽2018」，邀請大家一齊「襯」下，發揮創意DIY，可選主題包括親子、親親寵物、情侶、好友。比賽歡迎大中小朋友一齊參加，分中學組、大專組及公開組，只要花點創意，利用屋企現有嘅物品，重新Mix & Match，設計出兩件至「襯」嘅時裝製成品，獎金仲好豐富添！
比賽請來新晉型男設計師及品牌創辦人徐逸昇 (Angus Tsui)擔任評審，am730特別邀請Angus拍片講下比賽貼士，希望幫到參加者攞靈感，條片好快有得睇，記住留意am730呀！
