鍾雨璇與鄭世豪同現場fans合照。
今個母親節真興奮！事關終於可以唔使戴住口罩一家人出街食飯慶祝！Ray亦趁熱鬧參加咗「am730母親節溫馨晚宴」，事隔3年復辦，讀者們熱情有增無減，當晚全場爆滿，場面非常熱鬧，不少一家大細來食飯慶祝，兼有重量級禮物包拎走，唔少參加者都話無諗過咁大袋禮物，加上仲有人人有份嘅枱獎同埋大抽獎禮物，真係拎獎拎到手軟，有醒目嘅粉絲帶埋行李喼來裝禮物走添！當晚嘉賓「細龍生」鄭世豪更掀起高潮，走到台下同觀眾selfie，被大批fans包圍，非常受歡迎！而擔任司儀嘅藝人鍾雨璇唔單止口才了得，原來仲唱得跳得，好識搞氣氛！
鍾雨璇(右)唔單止唱得跳得，做司儀亦好識搞氣氛，到「細龍生」鄭世豪(左)出場更掀起晚宴高潮。
參加者每人都拎走一個特大福袋。
