中環摩天輪一連7日免費健康盛事

下個禮拜二(9月25日)起，AIA將於中環海濱摩天輪下舉辦為期一個禮拜嘅免費活動，鼓勵大家活得更健康，等你參加。呢個名為「健康‧摩天輪HealthFest by AIA」嘅健康盛事，每日都會有唔同主題，包含咗運動、親子、瑜伽、講座、音樂等元素，好啱一家大細齊齊參與。

例如9月25日首日，大搞「親子Sports派對」，由英超勁旅熱刺教練親自教授足球技巧，親身試玩國際級球會使用的足球專業模擬訓練，又會以踩單車發動攪拌器，自製精選健康飲品。而9月26至28日「煮場‧瑜樂」就由國際級名廚Jeremy Pang開班教煮健康食物，晚間有戶外瑜伽鬆弛身心。接住9月29日係「健康家家fun」，9月30日星期日就以Busking為主打，15位歌手有鄧小巧、黃劍文、Mr Wally、符致逸等，fit晒愛聽音樂一族，而10月1日最後一日，瑜伽做主題，包括親子瑜伽。