籌備多年的香港新聞博覽館昨日開幕，值得高興，Ray當然有去撐場，見證亞洲首家以新聞為主題的展覽及教育設施正式落成。開幕典禮請到行政長官林鄭月娥主持，亦算隆重，出席的新聞界前輩、學者及名人非常踴躍，又係多到幾隻手都數唔晒，加上到場採訪的前線記者，將面積不大的博覽館擠得滿滿的。
Ray聽博覽館主席陳祖澤講，整個計劃由醞釀構思到正式啟用，經歷足足十年。而一開始選址是以西九填海區為目標，惟經過當時的發展局長林鄭月娥提醒，最終透過活化歷史建築伙伴計劃，讓博覽館落戶中環的前必列啫士街街市。陳更透露，要將歷史建築物改裝並非易事，幸得各界有心人支持和幫助，最終亦能讓一切順利完成。特首林鄭月娥於開幕禮時話，有份促成把中環必列啫士街街市活化成新聞博覽館，感到高興，又指博覽館有助港人更深入了解新聞工作。
新聞教育基金主席陳淑薇亦話，博覽館的成立見證團結就是力量，籌建團隊有不同立場和背景的人士。Ray睇番D展品內容，同新聞有關嘅，自然涉及唔少敏感話題，其中都冇乜禁忌。
