出版3.0+參與中國上海國際童書展傳媒午宴圓滿舉行

近年文化產業講求「走出去」，將中華優秀文化推向世界。Ray早前出席「出版3.0+」參與中國上海國際童書展嘅傳媒午宴，就見識到香港點樣發揮「超級增值人」嘅角色，利用創科「拼船出海」。

呢個由文創產業發展處(CCIDA)資助嘅「出版3.0+」項目，成績相當亮麗，已經成功招募並翻譯超過7,000本電子書同有聲書。Ray喺現場聽主席黃燕如博士講，項目以「創科鏈接文化，內容走向世界」為主題，吸引咗100間本地同內地出版社參與，真係唔簡單。

Ray最好奇係點樣用AI做到呢？項目合作夥伴「商湯科技」嘅代表就分享，佢哋嘅AI技術可以高效實現內容轉換同多語種翻譯，將中文作品變成電子書、有聲書，甚至翻譯成唔同語言。好似之前喺法蘭克福書展，項目團隊就成功促成近60場商務會議，唔單止吸引到內地同業，連阿拉伯出版商都好有興趣，仲傾緊加入中阿互譯功能，睇嚟香港嘅文化橋樑角色愈來愈重要。

最令Ray鼓舞嘅係，唔少內地出版社都主動提供書籍，希望透過呢個平台「出海」。呢種合作正正體現咗香港「背靠祖國、聯通世界」嘅優勢。Ray相信，喺創科嘅驅動下，香港出版界可以同內地同業一齊，將更多好故事帶到世界每一個角落，讓中華文化遍地開花。