歐文傑(右圖)
由李錦記家族基金建立的「代代有愛」平台，使命係促進家庭關係，締造家庭凝聚力，早前主辦歌曲創作比賽，反應不俗，最近則主辦劇本創作比賽，藉此宣揚家庭健康價值，推廣家庭爽樂關係，上次未及參加嘅朋友，今次可以嘗試創作以「家心相聚 - 家庭共聚的時光」為主題嘅短片劇本，入圍「最佳劇本獎」作品更會製作成短片，於網上平台分享。專業評審來頭不小，其中之一是憑《樹大招風》獲得香港金像獎最佳導演歐文傑(右圖)，最新編導長片《非同凡響》探討特殊兒童及青少年成長。參賽劇本以最終演出3至4分鐘為參考，主題圍繞「家心相聚」，並必須為原創及未經任何形式發表。如果大家已經心中有好橋，就要坐言起行，快D開筆，因為截止日期為10月31日。獎金方面都幾豐富，3名入圍「最佳劇本獎」每名可獲現金獎1萬元，其餘3個次一級獎項亦有現金獎3千元。
