啱啱放完農曆新年假，大家個放假mood應該仲未完，嚟緊仲有元宵同埋情人節，有情人梗係要安排節目，趁仲有機會，Ray提議大家去中環海濱舉行嘅友邦歐陸嘉年華，佢哋啱啱推出二人同行優惠，買一張125元的入場票，同行嘅情人或好友可以免費入場，呢個價錢仲包括價值100元嘅電子代幣㗎。
呢個優惠啱啱開始，直至本周五(10日)就完，同埋個嘉年華去到嚟緊星期日，即係本月12號就要暫別香江，諗住去玩嘅就要快手啦！門票可於現場或大會網站訂購：http://tgec-en.ticketarena.asia/events/The-AIA-Grea-213/index.html。