善待租客即善待自己。(資料圖片)
最近有位朋友，與我吃午飯，講起他有位親友，因為移民往加國，將長沙灣四小龍的一個約400呎的丟空單位，經他找地產代理租出，合約租金都收妥簽妥。但是代理，其後再搵他，話因租客要求，需要多兩張會所證，給父母家人用，可否幫忙申請。朋友就答，問問業主後覆，怎知翌日代理就再來電，說已經問了管理處，沒問題，只要簽授權書，交俾代理就得，由代理幫租客辦。點知一聽代理咁講，我的業主親人，就非常不開心，即時罵代理：妳不收我佣金㗎，點解不幫我，不問我得不得，就去問管理處，仲走嚟搵我，簽授權書啊！
我聽完督想都不想說：妳親人的租客，就是妳親人的客人，點解妳親人不好好對待客人，有咁好代理幫忙妳親人，善待租客，都要給妳業主親人罵，這位代理，真是抓爆頭，都不知發生甚麼事。
其實好多小業主，以為自己層樓是個大寶貝，不懂得客人至上的道理，更不懂得計算自己利益。作為業主，甚麼都要提供，好等租客住得舒服，往後不斷續約，業主不斷收銀，單位就不致於沒人租，變成頹垣敗瓦，更需要要與租客建立良好關係，免她佢壞妳的寶貝房屋，到時又走數又欠租！