一年一度跑山活動康宏圖騰跑定於10月6日舉行，已開始報名，今年新增「小豬族親子組別」，鼓勵大人細路一起探索山野大自然，參賽者需要於兩小時內按指示在大帽山扶輪公園尋寶，找出20個檢查站及完成20個測試，山系家長可考慮組家庭親子隊參加，應該好玩得來又未至於太辛苦，啱晒親子互動。
至於原有的跑山組別，最具挑戰性一定係「57公里狂獅族」組別，由西貢北潭涌起步，經企嶺下、馬鞍山、城門水塘、鉛礦坳等，以大帽山扶輪公園為終點，限時18小時；而「16公里靈猴族」則相對較容易，限時10小時。叫得做圖騰跑，最好玩梗係起點的野人變身站，提供臉部彩繪及大量圖騰印水紙，令參加者變身型格野人，份外投入。
值得一提，今年大會貫徹做綠色公民，不會提供任何即棄紙杯或膠杯。
網上報名：http://totemrun.runourcity.org
主辦機構全城街馬行政總裁梁百行(左)及冠名贊助的康宏環球控股高層冼健岷。