小丸子有心事，Ray昨日個心都籮籮孿，因為報名跑全港首屆「櫻桃小丸子校園跑HK 2018」，竟然發現4月8日舉行的名額已經爆滿！吓！Ray的醉翁之意，當然唔係為跑5公里咁短，而係為個選手包啦！於是不斷上主辦單位個fb page留意有無新消息，終於發現佢哋會加開小量名額，不過就提早喺4月7日跑，咦！星期六喎，跑完仲有得唞番一日先返工，梗係即報啦！
主辦單位亦想得周到，知道好多跑友報唔到8號嗰場，於是通知小丸子，邀請佢訂早一日機票，即係話就算報7號嗰場，都有小丸子一齊跑。係小丸子粉絲都知啦，佢平時唔多做運動又唔願郁，今次肯嚟跑兩場，真係好難得㗎嘛！
有興趣嘅跑友可登入http://www.doitnow.hk/marukorun報名，賽事喺大嶼山欣澳海濱長廊舉行，分別設有5公里跑及2公里繽紛跑，現場仲設有萌拍照區，啱晒一家大細參加。到時除咗小丸子，花輪與野口同學都會齊齊報到㖭！