松葉蟹釜飯
啱啱過去嘅秋季食唔到大閘蟹，的確令人有啲忐忑。食唔到陽澄湖，食番個日本蟹嚟慰藉下心靈都唔錯。新開嘅蟹慶搵咗日本料理達人Kei San做監製(冇錯，係隔籬寫專欄呢位)，要食正宗日本地道食法，呢度絕對交到功課俾你。
浜燒松葉蟹，蒸毛蟹呢啲當然有啦，餐廳更創出用櫻花木燻製嘅煙燻螃蟹，以及每個order嘅客人一定會讓「相機食先」嘅鐵罐酒蒸原隻毛蟹。前者帶有燻香，令蟹鮮更突出；後者則保留咗毛蟹嘅甜，簡單用酒調味，就最食到蟹本身嘅原味喇。
我認我嘴刁我奢侈，一個set都要$688起跳。想慳啲嘅話，食lunch meanu啦不如！最平二百幾有交易，套餐同樣有前菜有蟹有主食有甜品。懶人推介有松葉蟹釜飯，幫你拆埋蟹肉，正宗飯來張口。
蟹慶
銅鑼灣軒尼詩道525號澳門逸園中心地庫
電話：2602 1600