成日話員工係企業的重要資產，要令員工做得開心投入，除咗升職加薪，又或者搞吓annual dinner，其實仲有很多方法，好似新世界發展昨日於灣仔會展中心舉辦名為「『家．Fun』歷險派對」的family carnival，不單止邀請集團上下員工參加，甚至連家人朋友，以至其他持份者都照顧到，等大家加深了解集團生態圈，仲可以做team building，真係一石幾鳥，搞手花嘅腦汁亦唔少。
新世界發展近年涉獵業務愈來愈多瓣數，嘉年華現場就有超過20個大型展台，介紹旗下疇業務，又有其他表演單位及藝人到場演出，包括Rubberband，同埋近年形象好「入屋」嘅曹永廉、蕭正楠，仲請埋森美同麥美恩做司儀，令到一眾出席賓客，好似才女張寶華、財經評論員胡孟青(青姐)等都玩得好投入同開心。