昨日見到資深傳媒人宋淑慧宋大姐出FB Post，話樹仁大學新傳系進入新時代，因為學校剛宣布，由新傳系副系主任李家文(左圖)接替梁天偉教授(右圖)出任新傳系系主任，由2020年9月1日起生效，並謝謝天爺領導新傳系拼搏多年。Ray當年亦上過天爺的課，獲益不淺，在此恭祝天爺榮休生活愉快，亦恭喜李家文更上層樓，際此大時代，任重道遠。
電話傳來天爺爽朗的笑聲，早前佢亦從《中大校友》總編輯退下來，天爺話自己年紀不輕，原來在樹仁大學都有16年了，係時候停下來享受人生，退休後會去下旅行先。至於李家文，由電視台女主播轉到大學任教，也有10年時間，佢感激天爺提攜，由做佢學生做到佢下屬，天爺仲會幫你做埋人生規劃，教你think big，俾動力同鼓勵去做好多project，好似去年的《詠春的傳承與保育》學術研究，由攞funding到發表，都學咗好多嘢。展望將來，李家文話呢個變動時代，整個社會都磨合緊，老師團隊最緊要同年輕人多溝通，同佢哋一齊行。