迪士尼「Marvel 10K Weekend 2017」呢項年度盛事，Ray期待咗好耐，昨日朝早養精蓄銳參賽，一去到現場唔單止見到人頭湧湧，仲遇見好多朋友，唔怪得啦，原來今年破紀錄有超過1萬人參加。唔知係咪同Ray一樣係Marvel迷呢？
為咗配合主題，大會出動咗一大班Marvel超級英雄到場支持，包括美國隊長(Captain America)、雷神托爾(Thor)、蜘蛛俠(Spider-Man)及星爵(Star-Lord)，而黑寡婦(Black Widow)、鷹眼(Hawkeye)、嘉魔娜(Gamora)及奇異博士(Doctor Strange)更加係首次現身香港迪士尼。唔好怪Ray跑得慢，見到咁多偶像，惟有跑住嚟集郵啦！
今次除咗係部分超級英雄嘅第一次之外，應該亦係一啲企業、旅遊業界及社區團體領袖的第一次，因為大會今年首度舉辦「Leadership 3K」賽事。賽果如何？唔重要啦，最重要係賽事的部份收益會撥捐香港兔唇裂顎協會。