咁講可能有少少偏激，耳筒本身當然冇問題，近年變成時裝配件，例如beats的sacai或者UNDERCOVER聯名版藍牙耳筒都是佳作，亦改變我對beats本來的「偏見」。
beats是將耳筒時尚化的最佳例子，亦洗走了當初走「明星效應」的老土宣傳方針！(beats官方圖片)
錯就錯在，大家的使‧用‧習‧慣！
其實對這件事經已容忍了十多年，唔知大家還記不記得，早在藍牙耳筒未普及的年代，為了解決揸車講電話的問題，曾幾何時出現過所謂的「免提」車用藍牙聽筒嗎？司機用當然舉腳贊成，但實情是最常見於「懶專業」的人身上，通常就是所謂的金融才俊、地產／保險經紀，我更加試過在「波樓」見到個地產佬戴住個免提篤波，嘩專業到呢！今時今日AirPods年代，竟然死灰復燃，最難頂就是行街睇戲食飯都戴住舊死人AirPods，喂大佬講真，真係好冇禮貌，除低擺返入個盒係咪咁有難度呢？
做乜嘢啫，知你秒秒鐘幾十萬上落喇！但同時亦都係好冇禮貌好冇品味！ (網上圖片)
去到邊都戴住個耳筒的習慣，堅係一個冇禮貌的行為！(圖片擷取自霍哥YouTube Channel)
又說，究竟是哪位智障KOL*(或者是大陸俗稱的網紅)，發明將耳筒的Mic位戴在下巴位置呢？真係好肉酸呀！若果曾幾何時一街都係的Crocs，是史上最冇美感的配件，這種戴耳筒(定其實應該係戴Mic呢？是但啦！)的方式，絕對堪稱是毀滅美感的發明！
記得第一次見到嗰時，我真心覺得似食品加工廠或者快餐店，為預防口沫橫飛而設計的透明口罩，那是工作那是衛生我當然明白，但所謂的KOL竟然覺得冇問題照跟，難怪我一直都覺得絕大部分的網美也不是很美(地圖炮Mode發射)！
乜真係冇人覺得咁樣戴，其實好似快餐店果種透明口罩咩？(網上圖片)