聖誕學手影普天同慶

大家都聽咗成個月嘅聖誕歌，不過其實聖誕唔一定要有聲先夠氣氛嘅。海港城噚日就請咗台灣著名手影大師張正龍嚟香港教大家做聖誕手影，原來只需幾個簡單嘅動作，安靜嘅聖誕都可以好有趣。噚日仲邀請咗一班「對話體驗•無聲」聽障人士做首批手影班學生，大師話佢哋雙手非常靈活，好快就上手，仲教番大師香港嘅手語添。聖誕係普天同慶嘅時節，唔需要言語，幾個簡單動作就可以打破隔膜同限制，就可以令到身邊嘅人開心。如果大家有興趣學手影的話，聖誕節到除夕每晚6點都會喺海港城露天廣場開班。