旅發局「香港跨年倒數演唱會」門票大抽獎活動，今個星期三下午5時半就截止登記啦，呢幾日掀起一陣搶飛潮，不過據聞旅發局就收到不少「蝦碌」的查詢個案，甚至有情侶為了「追星」，要在愛情和友情之間作出抉擇！話說有位窩心男朋友，將女朋友登記成為自己的同行者，希望抽中後製造小驚喜，豈料女朋友原來想跟粉絲朋友「追星」兼倒數，愛情定友情重要，可能都要等抽獎結果而定。
講返個抽獎規定，3,000張門票以實名抽獎，免費派給1,500人，為公平起見，每名登記人與同行者都只可以登記一次，旅發局解釋，根據條款，登記一經完成即不得換人，故對於女朋友這個撇下男友的「特別要求」，也愛莫能助，只好再三提醒大家在登記前要「mark實」同行親友，溝通好再登記。其他常見的查詢個案包括搞錯同行親友的姓名，甚至連自己的聯絡電話都會填錯。旅發局提醒大家輸入資料後，記得停一停、諗一諗，核對清楚再提交，以免失去中獎機會。未登記嘅朋友，快去呢個網址啦：http://nycdconcert.discoverhongkong.com。