香港迪士尼樂園由明年起變身，城堡改造工程將隨2018年1月1日「星夢奇緣」煙花表演完美謝幕後展開。唔知大家到時會唔會到現場見證呢？而迪士尼友好同Ray透露，喺期待見佢新面貌之前，樂園會諗好計，滿足一眾迪士尼粉絲，節目由今年年底一直橫跨去到2018年全年。等Ray先同大家做個巡禮。
首先於下個月正式登場的，是「公主皇室庭園」，庭園內設有樂園首間魔法化妝廳，小女孩可在此扮靚靚，化身心愛的小公主，拍照留念，亦可升級製作一本個人獨有的魔法故事書，真真正正成為一個故事中的主人翁，簡直係夢幻之旅。
接住農曆新年期間，由於適逢狗年，財神高飛和可愛貪玩的布魯托將化身成新春大使，聯同換上賀年服飾的米奇與好友，向大家拜年，樂園內仲不時會派福氣利是，令福氣延續一整年。
到2018年3至5月，一眾迪士尼明星將於「迪士尼明星春日嘉年華」傾巢而出，過百隻迪士尼朋友化身而成的趣緻迪士尼花蛋，帶來驚喜。5月有全新舞台表演「魔海奇緣凱旋慶典」登場，為擴建計劃打響頭炮，18分鐘的音樂及舞蹈表演，以《魔海奇緣》女英雄慕安娜（Moana）為主角，故事講佢成功將大地之母迪菲娣之心歸還後，回歸村莊的慶祝場面。
至於夏日的主題活動會配合7月於香港上演的《超人特工隊2》電影，各超級英雄家族將於2018年6月至8月駕臨明日世界，帶來一個節奏強勁的互動體驗。另外，9同10月的Halloween 則會以《怪誕城之夜》的阿積為派對主角，一於搗蛋反轉樂園。至於2018聖誕，是否太早了，不過Ray可以肯定，一定有飄雪時刻。
