Ray時不時會去青衣城商場行下街，原來青衣城2期已經於昨日舉行開幕禮，呢一期樓高4層，新增35間商戶，美容及服飾零售店舖加特色美食之餘，仲有全新UA戲院，今後又多一個新蒲點。最煞食都仲係有逾5,000平方米的戶外平台及天台花園，營造綠色浪漫，行到悶又可以吸下新鮮空氣，一行主禮人更到天台留影，環境果然海闊天空。話說2期設計意念亦以自然為主，特意引入採光玻璃天窗，可讓陽光照耀商場每個角落。
另外，青衣城亦為情人節有所安排，情人節當晚隨時為甜甜蜜蜜的兩口子送上「LED閃亮玫瑰花」，定必成為最期待的情人節禮物，更可趁另一半沉迷自拍時，靜靜到「情歌點唱站」，為另一半挑選一首屬於兩人的歌曲，憑歌寄意一番。