對於經典卡通角色係完全無抗拒能力，一看童年回憶返晒嚟。好似去年小飛俠Astro Boy跟Onitsuka Tiger嗰次聯乘，對個牌子向來無感，但因為小飛俠都撲咗出去實體店，唔買都見下真身；點知真係咁好賣，去到我個size經已售罄。今次板牌Palace與日本國民卡通多啦A夢出膠囊系列，雖然我嘅童年佢叫「叮噹」，但依然無法減少對佢嘅偏愛，這個聯乘要𥄫實。
這個2025年秋季膠囊系列十分sharp醒，基本上每款都勁大個圖案，包括皮褸、連帽衫、T恤、恤衫、寬鬆牛仔褲、cap帽和滑板，全都印或繡上多啦A 夢或佢阿妹多啦美的圖案。
系列中最引人注目的單品是Avirex風格的飛行皮褸。雖然香港天氣一年應該著唔到幾次，黑白款比較易carry，但芥末黃與天藍色配色真的很美；黑白款配多啦A夢，芥末黃則配多啦美，皮褸還飾有Varsity布章、刺繡和金屬配件，校園風出晒嚟，相信售價不菲。
多啦A夢 x Palace膠囊系列現已於Palace官方網站，倫敦、洛杉磯和東京的Palace實體店，以及Dover Street Market(小記check過網頁無，應該指實體店)，一係就要上官網鬥快，一係就親身飛去買啦。