Ad Block Ad Block
體育
2021-01-26 04:30:00
日報

水晶宮 靠晒老「鶴」

分享:

疫情重壓下,冬窗交投淡靜得「恐怖」;如以BBC網站統計,暫時涉及轉入英超球員有6人,包括兩個後備龍門、曼聯簽新星翼衛及西布朗新領隊大Sam搵返舊部辛迪加斯;最值得留意暫時係狼隊借西甲當打射手韋利安荷西,同水晶宮簽到德甲年輕又高大嘅法國前鋒桑馬迪達,借用一年半,睇長線。
 

狼隊冇咗頭部重創仲唞緊嘅魯爾占美尼斯,簽即食射手救亡理解。倫敦細會水晶宮,聯賽排名仲比狼隊高一級,又有錫菲聯,西布朗同富咸墊底,加埋冧檔中嘅紐卡素;加埋73歲領隊鶴臣教波功力深厚,對上3季領軍下,水晶宮年終排11、12同14位,留得住星級嘅韋費特沙夏,防守又一向穩健,今屆其實幾穩陣。水晶宮高層肯放水買人,信鶴臣眼光外,大牌沙夏幾時走冇人知,其他前鋒又太「弱雞」;最重要係鶴臣同超過半隊人,今夏約滿,大變動在即,提早換血部署下季屬明智。否則老「鶴」一走,呢隊睇落乜都唔叻、踢法又唔悅目嘅倫敦細會,未必再守得住寶貴英超一席。

請接受以下私隱政策及免責聲明,以示你同意am730內之私隱政策及免責聲明。了解更多
接受