要贏人先要贏自己
英超第11輪比賽上演上屆歐霸決賽戲碼，熱刺主場迎戰曼聯。上年聯賽兩隊聯賽排名同樣接近降班區，今季10場比賽之後，大家都是5勝2和3負。今年熱刺新人事新作風，Frank成為新領隊後，熱刺的防守和死球進攻都有好明顯的進步，上一場聯賽吃了車路士90分鐘悶棍，可幸周中歐聯對實力較弱的哥本哈根贏波，更有van de Ven東岸帶到西岸，千里走單騎自己一手包辦，贏回不少士氣。
曼聯則有Mount和麥拿甸奴繼續休息，前面預計是CMS配搭，但上場Sesko表現平平，曼聯下半場連失兩球後，幸有Amad挺身而出，蛾眉月頂福至心靈的抽射為曼聯搶回1分。常言道要贏人先要贏自己，掌握曼聯取勝關鍵的球員就是Casemiro，今季英超除了因為領紅停賽一次之外，其餘比賽都是正選，正所謂「日做夜做，卡斯美路」，今季曼聯攻防兩端也依賴這位巴西中場。為防守失位的翼衛補位、保護中堅免被對手前鋒直接衝擊、中場攔截遮線以外，還要幫手進攻，今季已經收獲3個入波。
但他的上陣時間遠遠比拍檔Bruno低，無辦法，他不能夠打足90分鐘高強度的比賽，如果因為打足而受傷，曼聯就是活現的賠了夫人又折兵。
曼聯要贏，Casemiro肯定重要，然而長遠一定要減低對他依賴，曼聯才有爭取下屆歐洲賽資格的可能。