好幾個月前，作出了十大狂想預言。當中某些是天馬行空，有些卻是理性判斷。其中，預期樓市會繼續狂升，新盤進入呎價過萬年代，市場有價無市，樓市頂級熾熱，但卻進入成交冰河時期。幾個月後的今天看來，當日的預言可能不幸言中！
樓市指數計算涉及大型屋苑的交投數據，部分屋苑長期成交不振，但部分屋苑卻是炒家天堂，形成貨源歸邊，左手交右手搭棚式推高估值，銀行被動地抬高估價，對市場形成誤導。
至於同一屋苑旁邊的單幢盤，其成交個案難與之匹敵，即使樓齡較新、設施更齊，卻因為未被列入在指數的計算範圍，令迷信成交活躍大屋苑作指標的用家無所適從。
這種手法形同股票市場搭棚造市，在樓市出現這種情況時，竟然就係合法，所以炒樓過癮過炒股。只要好幾個屋苑數據有異動成交，樓市指數不斷上升，似乎可以理解。更何況，二手市場嚴重缺盤，買賣疏落，遇上有買家勇字當頭，樓價出現Over-Shoot情況絕不出奇。
樓價突破97年時水平，已經不再是新聞。最重要的是，要理解當前樓市根本問題，包括錯誤政策造成貨源被人為抽乾，以及往後的潛在利率風險。十大屋苑走勢是本港樓市重要指標，部分代理行指，在農曆新年過後，十大屋苑平均周末日成交，僅得40宗左右，證明當前樓價升勢每每缺乏成交支持。
當這一個道理應用於股市，單一股票乾升，健康與否，無需多說！樓市好，地產代理行理應興奮，但既然目前已出現有價無市的現象，業主寧可賠訂封盤，亦要繼續「吊高嚟賣」，港女扮晒皇帝女。代理行逆市唱淡，希望理順業主及買家的期望，亦相當合理，而且動機明確。
更可喜的是、近期原本一面倒樂觀的外資大行地產分析員，亦開始出現一些理智聲音，有膽在當前市況下，講出市場可能「聽唔入耳」的分析。兩年前，如果信樓市只是小陽春，一直在等，事到如今，當然錯失上車或大賺一鋪的機會。
眼見身邊友好，甚至家人在這兩年多時間裡，在樓市出出入入，賺上何止一桶金，固然不是味道。但根據易學物極必反的道理，市場不會只升不跌，除非實力雄厚唔怕坐艇，否則目前高位追貨風險異常地高。
投資機會其實不止一次，亦不會一去不復還，關鍵只是耐性，出貨前要耐心持貨等個好價，入貨前，原來更需要無比忍耐周圍噪音，等個靚位出擊，否則隨時一失足成千古恨，不知何日見家鄉。
個人親身經歷是，對上一間在97年入市同屬大型屋苑的上車盤，就真係等足13年才成功翻身，重見家鄉價，假如中途有甚麼差池，就真係粗俗一點講句：「屙拔甩！」
逢周二、四刊出