大家沒看錯，以後逢周二在這裡擺多一檔，跟大家紙上談「程」神遊去也，打頭炮的確是一單「神遊事件」。
朋友I小姐詢問我十天自遊行法國三都市的建議，「十年前去過，今次想去A、B、C三市外，朋友說B市半日就行晒，所以想加D、E兩個地方………嗰度有高鐵，好快到啫。」我不禁問：「你上次跟團？」I反問我怎會知道，我答：「跟團上車就瞓、瞓醒落車，迷糊間唔知自己坐幾耐車。」更重要是跟團是點對點到達目的地，但自由行的話要自己找車站、月台，還可能會遇上迷路、兜路情況，又要自己處理行李………樣樣花你少少時間，加起來都兩、三小時。I一言驚醒：「係喎，點解我無考慮呢啲事？」以為從地圖上見到A市到B市一隻手指位「咁近」，就會想當然覺得頂多等同柴灣到屯門「咁遠」，但沒想到中間可能要翻山越嶺轉車轉船。I並不孤單，跟她同樣「神遊」的人多不勝，連我好些前上司都有這種想法，「做乜去咁多日採訪？」老細，我也想有隨意門呀！
李兆祥
旅遊撰稿人，曾任多份刊物的旅遊記者，
旅遊經歷豐富。
微博：t.sina.com.cn/angusli0309