維城內食牛腩的名店有中環九記，但本人覺得不好吃，加上被太多人吹捧，故不作介紹，要推介的是中環巷仔大牌檔──水記牛腩。
1940年開檔，72年的水記有何特別？不要以為叫水記，賣嘅嘢是水嘢，錯！賣的確是堅嘢！我每逢周末都愛光顧，叫一碗爽腩河，一碟炸魚皮或炸雲吞，再加一支可樂，已是豐富的午餐。為何叫爽腩呢？牛腩中坑腩最多肉，太多肉不好吃，崩砂腩供應最少，好難食到(若有一定叫) ，反而爽腩是第二少有，但卻不難吃到。
爽腩是坑腩內連橫膈膜部分，肉質爽口不肥，正！湯底是沒有加味精的牛骨湯，滴滴骨湯精華，必配河粉，河粉索湯底精華，一滴也沒有浪費。至於炸魚皮，是極有限度供應，吃到是非常幸運，因魚味極濃，是我吃過最好味的炸魚皮！鬆化可口，零舍不同。若沒有炸魚皮，炸雲吞亦是不錯的選擇，餡料是門鱔加少少豬肉，炸得香脆，惟雲吞皮鹼水味(我極討厭) 過重，要作出改善。吃過後，吃少許酸蘿蔔，這可令口腔清爽，膩感消失，最後飲支可樂，那道「牛氣」仍是盪氣迴腸呢！
去到水記，還可試試牛脆骨、牛沙瓜，但沒有淨牛腩，而炸魚皮及雲吞不設散叫外賣，這是老闆的執着，他說每一個大牌檔要做到有自己特色，才能使客人回味，這番話，真發人深省。
水記：香港中環吉士笠街2號牌檔 電話：2541 9769
四處搵食，尤喜懷舊食物，愛好下廚，搵人做白老鼠。
ADVERTISEMENT
送健之堂舒壓好眠足湯 x 石墨烯足浴袋
