陰謀論

做節目嗰陣，最唔鍾意講陰謀論，但偏偏呢樣嘢最多人鍾意聽。而且，老實講，香江好多人靠吹噓陰謀論，響公共事務界別搵食。

依家聽得最多的陰謀論，大致係咁樣。現時仲揸fit之香江領袖，即係嗰位被指貪威識食的領袖，表面上講平順交接，實際上，係非常不合作。例如改組政府呢件事，小事而已，由文件提交立法會到撥款成功，快則一個月。

但係，呢位貪食領袖，就夾硬話要甚麼四部曲。講的時候好漂亮，又話全力配合。但四部曲的論述，原來只係講，現屆政府只係負責程序。政治游說工作？未來領袖你自己搞掂也。

至於政策交接，貪威團隊的文件，好似瀑布咁樣湧過去未來領袖嗰度，文山會海。有人思想歪咗，懷疑貪威領袖想借文件來淹沒未來領袖，當中有好多政策陷阱同炸彈埋藏響裡面，等未來領袖上任之後，逐個逐個爆出來。

另外，有些會過渡下屆政府工作的人士，隨時準備拖後腿。更甚者，有陰謀論將呢個行動，扯埋去外國勢力干預香江內政。呢個聯想，又同中國最近同西方國家就周邊問題(如中菲南沙、北韓核問題)出現緊張的情況，拉埋一齊。

老友A打拳之前，拿住電話同我講：「依家兩班友就係掟來掟去，邊有合作可言！」假如陰謀論成立，人與人之間邊有互信？響無互信之下，點樣可以合作？

倫敦大學亞非研究學院法律系博士周二刊登