咁大個仔第一次一餐食七條魚(時價、約$8-$10両)，飲食經驗值得以「升呢」。其實海港食家仲有一味「蒸鹹鮮」極受歡迎，做法是將鮮魚浸鹽水後再蒸，無需落豉油，下次可再試。
4.花頭梅─肉質嫩滑，魚味比其他對手輕，並不突出。
5.金鼓─名氣最大，肉帶甘苦，甚有個性的海魚。 6.金絲魚立X2─肉質較實，未必人人啱食，但魚味獨特。(以上名字如有錯誤請見諒)
金鼓係我至愛海魚之一，配果皮清蒸味道一絕。
梅子蒸花蟹─花蟹爆晒膏兼肉質鮮甜，酸酸的令人愈食愈開胃(時價)。
焗魚腸─表面焗到燶，但咬落脆口，可惜魚腸唔夠多亦唔夠濃。
舊舖氣味零裝修，兼有兩隻小花貓滿場飛，只此一家。
地址： 鴨脷洲大街71號 電話：2552 6463
經常聽到很多人大叫食魚冇魚味，食雞冇雞味，入口味如嚼蠟，其實已司空見慣，因為魚係飼養雞係冰鮮，何來鮮味？尤其在大酒家的所謂海魚全部係食飼料大，每條動輒五、六百元，入口只有豉油味道，荒謬之極。不過唔使灰心，肯多走一步總會搵到真正海魚。
話說有一晚和友人殺入鴨脷洲珠記，一心想來個海鮮大餐，殊不知是日休息，碰了一鼻子灰，於是腦筋急轉彎，立即衝去鴨脷洲大街的「海港食家」，雖然海港食家是舊式飯店格局，兼且充滿老店舖的氣味，卻晚晚爆場(當晚六時半入座，幾乎全部訂晒枱)，因為老闆天天到魚市場入貨，極多平靚正的海魚，寶藏就放在門口的膠箱內，想揀靚魚要叫老闆出手，而他亦會親切地逐條講解，由於種類太多，名字已記不起來；我老實不客氣地揀了金鼓、三鬚、石烚………等七條雜魚(細size)清蒸，每條魚的肉質味道獨特(個人最愛三鬚)，有甜有甘有香有滑仲有骨，閉上眼慢慢細味，久違的鮮魚味道感動味蕾，剩下的魚汁加豉油可連下兩大碗白飯。
一碟蒸魚加個小菜，再加個例湯，係海港食家指定動作，每個客人也吃得開懷；魚+豉油+白飯=滿足快樂其實好簡單，令我忽然想向May姐(黃麗梅)致敬，大聲疾呼「魚！有！魚！味！」
饞咀，成日想食好嘢，卻一星期食足五日外賣飯盒嘅am730死肥仔創作總監。
ADVERTISEMENT
【👇立即追蹤👇】
