心儀機王Galaxy Note II LTE終於來了，此4G手機支援800/1800/2600MHz LTE制式，即兼容香港5間4G網絡商的服務，電量也是同級對手中最高，有成3,100mAh，可見誠意十足。不過上台出機就有點花多眼亂。
三星在短短一個月內分別推出3G和4G版的Galaxy Note II，雖然話早買早享受，但呢次早前買入3G版Note II的用家中伏了，誰料到其4G版來得這麼急勁？機王街價約$6,200，上台出機係較為可取之途徑，整體來講，出機較抵的網絡商是PCCW、3香港及中移動，每月平均支出低於$400(未計扣除回贈金額)。PCCW於主要港鐵站設有4G LTE網絡覆蓋，包括金鐘站、中環、灣仔、銅鑼灣及尖沙咀站；而3客戶只需選用$338或以上的4G LTE月費計劃，即可以$0機價上台出機，同時享有4項優惠，包括GP手機隨身充電器、6個月每月高達4GB數據、12個月手機失竊保障及Liquipel watersafe納米塗層，為手機在意外接觸到水或其他液體時提供保護。中移動亦提供月費$398的4G服務計劃$0機價優惠(24個月約)，使用指定信用卡分期繳交月費更可免預繳即時取機，仲送原廠保護套，更可另加$100換購原廠電池及電池充電套裝，兩套送件價值約八百幾蚊。個人認為後者好實用，因為4G機出名食電。
由於月費計劃眾多，又不時變動，以上資料只供參考，而我會再觀望多一個月，到聖誕左右，一眾服務台實會鬥價吸客，遲買平幾嚿先係王道，呵呵！
作者為資深新科玩傳媒人。http://weibo.com/am730michael