內地親友日前到港，堂二佬囡囡睇中部有美顏功能的Casio自拍機王TR150，問我意見，老實講，我一直不太留意呢類女性Gadget，仔細爬文做完功課之後，才發現此機雖出了半年，但竟仍當炒，價格升幅達100%，細姪女唯有寄望「遲買平幾嚿」。
一向都不輕視Casio相機，話晒十幾年前佢同SONY、CANON等名牌平起平座，推出第一代35萬像產品，其後一直我行我素，主打相機執相功能，近日面書微博帶起龍女自拍潮，TR150自是食正條水，部機有1,200萬像及3吋TOUCH SCREEN，鏡頭可360度反轉，而且加入了可針對膚色優化的12級Make up美顏功能，又可利用觸控筆Cut & Paste為影像退地，再貼至其他相片玩合成，女仔當然受落。佢初出道只是二千多元，家陣街價竟上到五千幾，原因是CASIO將TR150限量生產，加上內地無行貨，所以成為炒賣目標。
老實說，以男性角度從性能出發，部機點都唔值五千蚊。唉！十八無醜婦，細姪女使乜用相機同自己整容呢？
作者為資深新科玩傳媒人。http://weibo.com/am730michael
ADVERTISEMENT
送健之堂舒壓好眠足湯 x 石墨烯足浴袋
