新年好(一) 開心果及陳皮梅

新曆年只過了不足一個月，又說新年好？原來在兩星期後便是農曆新年，在這個大節日，周三的《維城食志》及周五的《我的選擇》將一連五期介紹新年應節食品，首篇介紹人人都識的開心果及陳皮梅。

開心果，取其名字要開心迎接新年，在各家庭是必備的，哪有甚麼值得介紹呢？坊間常見是白殼美國開心果，但我介紹的是黃殼伊朗開心果，無論爽脆度、味道、以及質素都比美國開心果優勝。

開心果果殼原色是微黃色，因經過烘焗程序，顏色轉深黃，白殼的是為求美觀，用雙氧水漂白，我真不知這會對健康有何影響，只知天然是最好。簡單用鹽焗，不加任何化學成分，焗得比白殼更乾，爽脆鬆化，乾果味重亦香，微鹹惹味，但食得多較會涸喉，相反普通白殼的因焗得不夠乾，即使放在密實盒亦很容易受潮變韌，非常難食；黃殼的保存期較久，加上香港製造，易剝，即使價錢稍貴，比白殼細粒都值得試試。我知道較少地方有得賣，到上環鄧海滿記是必有的。

我愛在全盒旁放碟陳皮梅，因在新年吃得油膩，食粒鹹鹹酸酸的陳皮梅便可解滯。我愛食王榮記的果子，但他們的陳皮梅薄肉大核，相反老店的陳皮梅厚肉細核，梅上有薄薄鹽花，醃得肉軟入味，雖稍鹹，可以一試。不愛吃梅，可以食嘉應子，亦是不錯。

老店會營業到年廿九，想試試便趁早。各位朋友請留意，下期將介紹芋蝦、茶泡及慈菇片。一年容易過，未知朋友有沒有回想一年的過去呢？

鄧海滿記：香港上環永樂街175號地下

電話：2544 6464

四處搵食，尤喜懷舊食物，愛好下廚，搵人做白老鼠。[email protected]