大台重播劇集《天與地》，最令人深思的是This city is dying一段對白，「每地每一個人呀都俾個環境訓練到，好似倒模出來咁樣：鍾意食同一樣嘢，鍾意同一樣嘅電視節目……」在新科玩角度看也一樣，時下人用手機不是iPhone就是Galaxy；平板都首選iPad，事實上，市場有很多選擇，You Know？
的確，身邊沒有朋友在用LG智能手機，而我也甚少接觸，只是買過一部「大字」的feature phone予老人家，上星期，有幸被邀出席Optimus G率先試玩活動，跟一眾Blogger體驗這4核4G手機，大家都認為新機的TrueHD IPS+屏幕色準更勝對手，然而要追上蘋果及三星，LG做了其他實事，為手機加入很多獨家功能，當日大家玩得最開心的是「開口自拍」，對住手機鏡頭說Cheese、Smile、Whisky、Kimchi 及LG等字眼，快門即時啟動拍照，而不用按任何掣；同場我們也盡顯港人創意，試了其他非官方同音字，包括「黐X線」，手機一樣能成功辨認，可能平時生活壓力大，一眾「痴」漢竟然像口靚模般自拍起來，不過又確係幾爽。
此4.7吋機仲有好多其他功能，篇幅有限未能盡錄，大家若有$5,200左右「筆直」，可以俾個機會佢。
作者為資深新科玩傳媒人。http://weibo.com/am730michael