最近行家勤飛美國，一方面走訪蘋果WWDC，另一方面跑埋E3，對我來講，後者來得更吸引，起碼PS4係部切實新機，而唔係純粹系統或硬件升級，只要懂得掌握定位及內容，個人看好它能打倒Xbox One。
SONY選擇於微軟展示Xbox One後發表PS4，可以話睇定來食，至少定價如是。Xbox One套裝售499.99美元，而PS4則只是399美元，兩者同用8系處理器、8GB Ram及 500GB 硬碟，現有Game碟一樣唔會支援。機平雖有優勢，但非唯一成敗因素，獨家大作幫到銷機？而家一隻Candy Crush夠你玩爆頭，邊有人仲有時間去睇咩攻略作戰？
時代已經唔同，家庭遊戲機其實要鬥快擺脫遊戲機形象，成為好似電視一樣入屋的必需品，PS4及Xbox One已備藍光是第一步，下一個出路係從內容方面著手，Sony已有其娛樂王國做後台，微軟呢？
作者為資深新科玩傳媒人。http://www.facebook.com/macro.she
ADVERTISEMENT
送健之堂舒壓好眠足湯 x 石墨烯足浴袋
