作者：馬仔 出版社：天馬文化 定價：72元
生活繁忙的香港人，放工回家也要忙追劇、覆短訊、Check FB......如果唔好彩，要顧埋家務同細路仔，真係人都癲！究竟點先真正讓個腦休息吓，我做咗個「活體實驗」: 將此書放在三個不同年齡，但都係好攰嘅男士面前。結果，佢哋睇咗幾頁，就將塊面埋在書裡。我當然唔執輸，睇吓呢本師奶湊仔漫畫有咩引力，可以吸住啲忙爆嘅香港人……點知，翻完一頁又一頁，我對漫畫無興趣嘅女人仔，竟然中伏！一氣呵成，睇完仲精神咗。這本「低能」漫畫，唔好睇小佢畫功簡單，字都唔多隻，卻抵死又傳神，道盡湊B的苦與樂，除了師奶們找到自己的代言人，你還會發現很多親朋鄰舍的影子，我覺得當中的馬仔師奶，比「我們這一家」嘅花師奶更多一份地道嘅親切感！
逢周一、三、五刊出。