講到何柱國，就不得了喇。從我1979年經營報刊發行生意開始，就認識不少傳媒老闆。他們大多數好有中國舊風範，甚麼都講感情、都講關照，不講利益。搵你做事，如只講錢，冇咁低俗同咁膚淺㗎！當年有位大老闆，給同事調整薪酬，人工開出壹萬大元，就在自家報章封員工為萬元戶啊！到肥佬黎入行，薪酬當然高過隔籬囉，再論功行賞，配給股票，傳媒打工仔就已經要叩頭，拜見聖上啊！但何生一出場，一出手就上了月球！除了所有待遇，都超越大多數老闆外，更升級到坐車坐飛機，辦事都有極高規格。行政總裁有過千萬年薪，簡直是傳媒歷史，超越好多西方洋人大集團㗎！簡直可以寫入華人傳媒歷史囉！
