五礦建設去年銷售按年增25%。圖為其網站。
阿爺3年嚟，第一次全面降準，已經無運行咗好耐嘅內房股，有得博狗股大翻身，揀買五礦建設(230)，有頂級大孖沙大股東back up之餘，又有注資concept。
五礦終極對口係超級大型央企嘅五礦集團，背景絕對優良。又上年尾，份屬央企內房華潤置地(1109)，獲阿媽注150億銀嘅房產資產，五礦建設又點？上年，五礦集團掌舵周中樞講過，五礦建設會獲阿媽注資，規模去到300億銀。
咁睇，上邊華潤置地，家陣市值1,290億銀樓上，獲注百億資產，震撼性可能唔係好大，而五礦建設家陣市值，挨近得30億銀，只係可注資晒士1/10！就算五礦建設現價(0.9元)翻一番到1.8元計，市值得不過60億銀。諗到係，若果阿媽真係向五礦建設注資，股價一定先嚟個「快高長大」。
咪扯咁遠，上年，係喺無阿爺大力放水情況底下，五礦建設全年累計銷售，都上到75億銀人仔，增加咗25%。嚟緊日子，阿爺刺激經濟，keep住放水，內房包括五礦建設在內，應該有大啖好吃。
而五礦建設家陣潛喺近三年低位，市帳率(PB)得0.38倍，再調整，有限數，但隨住息口政策刺激，加埋潛在注資落實，集團呢個殘價，一彈可以不得了。當翻半番到1.4元計，PB都係得0.57倍，上邊華潤置地PB，係講緊1.3倍。
作者為中細價股專家
ADVERTISEMENT
送健之堂舒壓好眠足湯 x 石墨烯足浴袋
