江南昨收報1.4元，升2.1%。圖為公司廠房。
江南集團(1366)單係食住祖國各瓣基建工程，主打電線電纜項目，已經唔使憂，有排做，預測市盈率(PE)大折讓咗80%，殘到爆！
江南單喺上年上半年，盈利就增長66%到近2.5億元人仔，而半年結打後，集團喺上年7月同8月，分別中標國家電網，同中國城市軌道等等項目，總值8億元人仔合約，數據繼續靚仔。
喺阿爺開通城鎮化、整治空氣問題國策底下，國家電網估計，到2020年時，特高壓電網投資，去到1萬億元人仔。又城鎮化衍生城市輕軌需求，同阿爺正係快馬加鞭嘅鐵路項目，所講投資額度，亦係斷萬億元計數。而報載，江南亦估計，若果阿爺要完成「十二五」投資計劃，預計今年需要對電網投資9,970億元人仔，依呢個做推斷，今年目標銷售，已經可以增加30%。
祖國係咁，其他周邊國家，特別係「一帶一路」國策推動下，亞洲各國亦一樣。世銀估計，去到2020年，亞洲區基建資金需求，上到1萬億美元。亦諗到，邊瓣基建都好，亦對電纜電線帶嚟好大需求，江南海外商機，陸續有來。
唔好計多，就以場內專業評估江南就快派2014年成績單，每股盈利係咁意增長18%，到0.25港元做參考，江南現價(1.4元)預測PE，得5.5倍。祖國行家遠東電纜(滬：600869)講緊25倍、東方電纜(滬：603606)40倍，江南PE大折讓近80%。
買江南，當翻半番到2.1元計數，PE先上到近8倍水位，邊有耐追到行家？
作者為中細價股專家
ADVERTISEMENT
送健之堂舒壓好眠足湯 x 石墨烯足浴袋
