沒得逃避的真相是：你一日裡對得最耐的人，不是家人不是愛侶，是同事。有人說「同事三分親」，這簡直是BS中的BS。同事(以及老闆)都係人，凡是人都會有自我，而很多人往往喜歡把公司當作自我託兒所，日日帶埋肥屍大隻的自我返工，例如：開工時戴著headphone聽歌看似很為他人設想，問題是佢會跟住唱(上YouTube睇黃子華仲會笑到卡卡聲)。又如：去pantry斟水離遠見到水機已吉，立即調頭走、躲在暗角等候勇士換水(但有女同事在場的話則會搶著做勇士)。再如：你放在公司雪櫃的美食，即使寫咗名，亦往往會被人吃掉(有些善長仁翁還會把吃剩的一半留給你)。
另一樣令你憎恨同事的，非飲食莫屬，單單是你噚晚食乜餸，已經可能令你暗暗成為被憎對象。現在很多人都為了追那額外的一成首期而被迫帶隔夜飯返工，飯盒裡面可能有蒸桂花啦南乳豬手啦麻婆豆腐啦欖角四季豆啦，每樣都是阿媽獨當一面的撚手嘢，放進微波爐一叮，唔，是媽媽的味道，是住家餸的味道！連同樣帶飯返工的同事也說：「咦，好香喎！」但憎你的不是他，是那班出街食完飯返嚟的同事。需知道大部分office都是密閉空間，啲餸香還香，成個下晝都聞住，只會變得倒胃。事實上外國很多公司已經禁止員工在辦公室進食熱食，要食唔該食凍嘢，沙律嗰類。
而我聽過離譜的case，是一位「自我」在公司用電爐煲青紅蘿蔔瘦肉湯。就算你煲完我有分飲，可唔可以換第二款湯？青蘿蔔聞起嚟真係一陣屁味！
微博 t.sina.com.cn/nosechoy
並請在FB搜尋「阿鼻的飲食字典」並於10秒內按Like