「幾鋒利嘅刀都有生銹嘅一日」雖已成了爛gag一句，但面對以下情景，還真的想不到有哪一句比這句更適合爆出來。
在職場上打滾日子久了，你不會對「腦細」有過分期望，一天他是「腦細」，能替他做的都會做，做不到的就搵位避，當這個火坑捱不下去而六合彩頭獎依然沒你的份兒，打工仔自會找另一個火沒那麼猛的坑跳下去；可是總有些過氣「腦細」，老早在職場政治鬥爭中輸了，台已下，根本再無任何影響力，卻還三不五時抓你出來訓示一番：「你咁做嘢唔掂噃！」、「冇我睇住係咪差好遠呢！」、「我傾緊啲deal，成咗執番你出嚟啦！」明知道他其實是因為適應不了再沒有人給他點來點去的生活，於是找你出來治療一下他的ego，但為了盡快結束這次療程，你怎也會充當「偉哥」，給些他一些反應，只是當他連見好就收都不懂得時，你真是很想爆一句：「腦細，幾鋒利嘅刀都有生銹嘅一日，算把啦你！」
又有一些女人，也許唸書的時候被兩、三個男同學追求過，從此就把自己定位為萬人迷，唔緊要，你自high對別人沒有影響，可是她需要觀眾，於是總抓住你聽她的愛情難題：「唉，你知啦，啲男人見到我就癲晒咁，喺公司真係好難做嘢，個個都有企圖……我個前度呀，都娶咗老婆啦，仲對我死心不息，我生日呀，佢校正凌晨十二點send message俾我，sweet到呢……」看著一張沒保養以致腫脹難分的臉一直在絮絮叨叨她的桃花劫，也許我暈頭轉向之間已經爆出了「幾鋒利嘅刀都有生銹嘅一日，你有冇打算減吓肥呢其實？」
ADVERTISEMENT
