港航飛澳洲黃金海岸直航

Ray閒時鍾意去旅行，噚日同香港航空首席營運官王證皓(Ben)傾開，佢哋將於今日推出澳洲黃金海岸航線，直飛黃金海岸同開恩茲(Cairns)。Ben話，開辦該條航線，主要瞄準日益增加嘅休閒旅遊、商務、留學生及參與工作假期人士，暫時每周3班機來回，晚上9時20分從香港出發，翌日早上8時半到達，啱晒港人鍾意「玩到盡」嘅性格。

Ray亦收到風，除上述航線外，港航計劃今年內推出超過10個新航點，包括下月底首航嘅柬埔寨金邊，以及稍後推出嘅日本鳥取縣。唔講唔知，原來鳥取縣係日本漫畫《鬼太郎》嘅故鄉，其中位於境港嘅水木茂大道，更有「鬼太郎大道」之稱，附近有好多歷史文化古蹟及主題公園，啱晒深度遊。目前港航共有27架航機，並計劃於今年底擴展至36架；去年港航全年客運量約560萬人次，按年增長近一成，料今年可達700萬人次。

投身傳媒工作多年，由市場研究做起，一直與公關、廣告、新聞界結下不解緣，心境永遠青春。