呂志和(左二)見證劉鎮鯤(中)、袁隆平(右二)及卡特兒子(右一)領獎。
呂志和獎昨在灣仔會展舉行首屆頒獎禮，由特首梁振英主禮，其中奪得「持續發展獎」、有「雜交水稻之父」美譽的袁隆平都親自嚟香港領獎。得獎人可以獲得2,000萬港元，袁隆平話，會將獎金再用喺研究方面，希望增加水稻產量，可以為解決全球糧食危機出番分力，Ray聽到都真係覺得佢好偉大呀！
另外兩個「人類福祉獎」及「正能量獎」，分別由無國界醫生同前美國總統卡特(Carter)奪得。無國界醫生(香港)主席劉鎮鯤就話，前年應對伊波拉疫情嘅經驗，日後抗疫時都有更好準備，亦會將獎金用喺研究複雜嘅疾病。呂志和獎昨日又預告，來年會主要嘉許預防氣候變化、脫貧及促進不同群組和諧3個範疇人士。
投身傳媒工作多年，由市場研究做起，一直與公關、廣告、新聞界結下不解緣，心境永遠青春。