「同學們，我哋想要你哋個腦！」咪以為中學生諗埋咁多古靈精怪嘢無用，於是就收收埋埋，其實好多人識得欣賞嘅。就好似am730上年度舉辦嘅「全港中學學界賣橋王」咁，唔少參賽隊伍賣嘅橋都得到部份贊助客戶採用，例如3M、現代教育及珍寶冷氣等，同學賣嘅橋都付諸實行用喺廣告上㗎！ 由於上屆嘅成果豐碩，令客戶又有機會了解時下年輕人嘅想法與創意，有份贊助活動嘅客戶都希望我哋再接再勵，而我哋都希望可以邀請更多學校參加，規模愈來愈大，我哋預咗要搵更大嘅場地㗎嘞。 仲唔止咁㖭，呢個活動亦得到業界嘅認同，香港廣告客戶協會副主席楊立凱(David)(圖)亦出心出力，除咗做評審之外，仲幫手拍宣傳片，希望行內多啲關注，為廣告業界打打氣。各位同學，如果想知道一個廣告的誕生過程，就記住報名參加喇，比賽仲提供埋workshop，保證大家唔會「空腦而回」。
Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。