從小到大都屬於肥胖一族的我，有別於一般肥妹，其實非常非常偏食。簡單而言，肉類只食豬、雞和海鮮，大部分奶類製品，如芝士、牛油，鮮奶等等莫講話唔食，連聞到都有問題。甜品如朱古力等亦不太感興趣。也慶幸如此，否則身形體重更加不敢想像。但是一直以來，對甜品的製作，特別是各類蛋糕，都非常感興趣，因為覺得非常精緻，非常漂亮，每次見到有蛋糕製作班，都好想報名參加，奈何一想到做完之後如何處理就頭痛，因為自己無福消受，爸爸也有輕微糖尿，不宜享用，所以這麼多年以來，只製作過3個蛋糕。
最近發現身邊一位熱愛韓國文化和健康食品的女仔朋友，專誠飛去韓國拜師，學識製作超靚嘅立體花花蛋糕及曲奇，先別說賣相靚到絕，原來食材都可以好健康，可以無糖、無奶、無牛油、無蛋都可以，真係好開心，所以馬上抽時間約埋幾位女仔朋友一齊學整花花曲奇，貪其體積小但數量多可以送俾多幾個朋友，自己唔使食咁多。而這位老師最窩心的地方，是會準備好一個攝影角落，擺好許多陪襯道具，甚至有日期紀錄，讓您可以將自己的製成品拍攝得美美的做紀念。各位喜歡甜品又想健康的美more女們不妨可以考慮一下。
ADVERTISEMENT
送健之堂舒壓好眠足湯 x 石墨烯足浴袋
