最近土下座沉迷一隻手機遊戲《三國志曹操傳Online》，相當好玩。如果你同土下座一樣係80後，應該點都聽過「曹操傳」呢個名，呢隻手機game冇錯正正就係當年嘅復刻版，無論故事同劇情都一樣，只係再將畫面同系統強化！不過，免費又點賺錢呢？蠱惑嘅地方正正就係呢度，呢隻game其實係同時有Online模式同故事模式兩種玩法，兩個模式又互相結合，前者係需要Online連線，再收集武將攻打其他玩家嘅正常課金game玩法，但遊戲要用嘅金錢、角色升級之類，喺故事模式要用到嘅功能，都係需要喺Online模式到收集，而且武將角色，並非好似以前咁會隨住故事增多減少，變成咗需要用到「虛擬金錢」購買(當然，你可以用真錢買假錢)，舉個例，如果玩到「官渡之戰」而你又冇買到劇情人物郭嘉，咁故事模式就唔可以進行落去。絕對係印證到「免費先係最貴」嘅道理，但，都真係值得推薦俾老玩家試試！