莊偉忠嗰個不開會的CEO的名稱都用咗好耐，怕且係時候要搵啲新搞作，自從佢轉投康宏金融集團擔任行政總裁之後，突然患心臟病，都有一段日子無公開露面(除了喺佢個人的fb之外)，最近佢喺公司的電視廣告亮相，飾演理財專家一角。個廣告講到明係用玩味手法拍攝，以為莊生點都扮下嘢，點知Ray一睇，咁正經嘅，好大對比噃！
睇番介紹話呢個廣告要拋開固有的型格路線，有別於西裝筆挺理財顧問做主角，仲話今次係集團大膽地仿效典型日本綜藝節目的形式，破格呈現現今都市人做理財選擇時的「怪現象」，包括人云亦云、盲目跟風等等，並邀得著名作家 王貽興飾演綜藝節目《選擇の怪奇現象》的主持。
Ray上網睇下個廣告，開頭都覺得幾破格㗎，有扮晒日本綜藝節目啲嘉賓觀眾O嘴反應，亦做晒畫面effect，點知鏡頭一轉，就見到西裝筆挺嘅莊生出現，好正經咁教大家點樣揀理財產品。呢個廣告有30秒及60秒兩個版本，暫時睇到嘅係只係30秒，唔知長啲嘅版本，會否更玩味十足呢？
ADVERTISEMENT
送健之堂舒壓好眠足湯 x 石墨烯足浴袋
